Pyatumpy ja käjp tsënää'yën ja Ii'pxyukpët Mëj'ïjxpëjktääjk (UNICEM) mä ja wejën kajën yik'ijxy yikpääty jats nyikmëjka'ant ja nkäjp jää'y'äjtën.

Yä ja ïjxpëjkpë ja jyää'y'äjtën tyikmajay jats tpatuny ja pyujx ja kyäjp ja tsyënää'yën tyanää'yën jats tpamayy tpatäjy sutso ja tsyënää'yën myïwenët kyajaa'ët. Nayëte'n tmëjpïktä'äky jats twïntsë'ëkë sä tu'uk jatu'uk ja tsënää'yën nyaxy apiky et, apiky kyäjp

TI YIK'ÏXAAPY

Ja wejkajtääjk mä ja unä'äjktëjktë tyikmajä'ätët ja tyunk ja pyëjkk, jats tta'apäättët ja tsyënää'yën tyanää'yën mitë myïtunïyëtëp myïpëkïyëttëp. Mä tpama'atyët tpatäjtët sutso tyikmïwenëtët tyikkajaa'ëtët ja wyijkyejy'äjtën mä ja pujx ja käjp ja wyënmää'ny wyïnkaxë'ëkt.

TI YIKJÏPEJXP

Ja Ii'pxyukpët Mëj'ïjxpëjktääjk tsyëënët tyanët mëët ja pujx käjp. Nayëte'n ja tyikwejt tyikkajt jujky'äjtënkëjxp. Mä ja unä'äjktëjktë tyikwïnkaxë'ëktët ja yyiijy'äjtën, ja kyutääy'äjtën, ja tyajaty'äjtën jats tmïtapyäättët sutso ja tsënää'yën tanää'yën ëy tsuj nyäxt.

TI YIKNÏ'ÏJXPËJKP YÄ II'PXYUKPËT MËJ'ÏJXPËJKTÄÄJK

KÏMUUNY KÄJP YA'AJKËN NYÏ'ÏJXPËJKËN

Yikwijpy yikkejpy ja jää'y pën tyuu'mo'op ja ëy tsuj jujky'äjtën mää jaty ja pyujx ja kyäjp ja tsyënää'yën nyaxy. Mä tmïtapyäätt sutso'ampy pyäätatyïyë ja nääjx ja käjp yaaktët.

Mä wyïnkïtä'äky:

• Ja et ja nääjx kawënäkpiky tyumpajt
• Käjp ya'ajkën ja nyïtuu'nën ja nyïpëjkën
• Käjp tsënää'yën tanää'yën myëjk'äjtën

KÏMUUNY PUJXKÄJPXËN NYÏ'ÏJXPËJKËN

Yikwijpy yikkejpy ja jää'y mitë yiktuu'yë'ëpy ja pee'ën koo'nën jats tyikyujt ja pujxkäjpxën sä ja pujx käjp ja wyënmää'ny, ja y'ääw y'ayuujk tpïktä'äky jats tyikmïwenët tyikkajaa'ët ja amukkë tsënää'yën mëët ja wenk pujx ja wenk käjp.

Mä wyïnkïtä'äky:

• Kïmuuny pujx'ëëpë
• Kïmuuny Tele
• Jemy pyujx mä ja nëkäjpxën nëmatyääjkën nyaxy

TI YIKMÏTËKËP

• Ja kujket ïjxpëjkën të xyik'apääjtënyë.
• Ja tsojkën xmëëtätt jats x'ejxkäpt jats xyikyujt xyikmëjktëkët ja kawïnääk ääw ayuujk.
• Myiknäxp ja mtsënää'yën tanää'yën mkäjpkëjxp uk mnatyamïtsokëyëp jats ja mwënmää'ny mitë myikmëjëp, myikkejpy xyiktunkpäät mëët ja mpujx ja mkäjp.
• Ja tsojkën xmëëtätt jats ja amukëtuu'nën xyiktuu'yë'ëty.
• Ja tsojkën xmëëtätt jats x'ejxkäpt ja wenk pujx ja wenk käjp wënmää'ny.

TI YIKMÏPÏTSË'MP

Jyätp wïnaty ja ïjxpëjkpïtsëmpë ja yik'ëjxpëjkën, ja pee'ën ja koo'nën, jats ttuu'mo'ot ja käjp ya'ajkën mä nyïkaxë'ëkt ja kë'm tuu'nën ja kë'm tsënää'yën. Tyuu'mo'op ja namyää'yën mëët ja wenk pujx wenk käjp jats kyajaa'ët ja nääjx ja käm, ja ääw ayuujk mëët ja tsënää'yën tanää'yën.

PËN ËËTS NMËËTYË'ËPY